बीड जिल्ह्यातील आष्टी तालुक्यातील वाहिरा येथे गुरुवारी तीन संख्या भावांवर झालेल्या हल्ल्यांमध्ये दोन सख्ख्या भावांची हत्या झाली असून एक जण गंभीर जखमी झाला आहे व त्याला अहिल्यानगर येथे उपचारासाठी दाखल करण्यात आले आहे. आष्टी तालुक्यातील हातोळण येथील रहिवासी असलेले अजय विलास भोसले , भरत व कृष्णा भोसले हे तीन सख्खे भाऊ गुरुवारी वाहिरा येथे आले होते तेथे दुपारपासूनच त्यांच्या समाजातील काही लोक जमा होऊन बसले होते व रात्रीच्याला नऊ ते दहा च्या दरम्यान त्यांच्यावर प्राण घातक हल्ला करण्यात आला लोखंडी रॉड व धारदार शस्त्राने त्यांच्यावर हल्ला केला. यामध्ये अजय व भरत यांचा जागीच मृत्यू झाला तर कृष्णा भोसले हा गंभीर जखमी झाला असून त्याला अहिल्यानगर येथे उपचारासाठी दाखल करण्यात आले आहे या घटनेचा तपास अंभोरा पोलीस ठाण्याचे पोलीस करत आहेत
