क्रीडा

भारताच्या विद्यापीठ झोन क्रिकेट स्पर्धेसाठी नुमान शेख ची निवड

आष्टी/ तालुक्यातील साबलखेड येथील नुमान निसार शेख याची कोटा (राजस्थान) येथे होणाऱ्या विद्यापीठ झोन इंडिया क्रिकेट स्पर्धेसाठी नुकतीच निवड झाली आहे.


नुमान शेख याने कठोर सराव व अचूक कौशल्याने क्रिकेटमध्ये प्रावीण्य मिळवले आहे. त्याची ही निवड म्हणजे राजमाता जिजाऊ अकॅडमीच्या प्रशिक्षक शेख रहीम सर व त्याच्या मेहनतीचे फळ आहे. ही निवड राजमाता जिजाऊ क्रिकेट अकॅडमीमध्ये केलेल्या उत्कृष्ट कामगिरीमुळे शक्य झाली आहे.

नुमान शेख याने आपल्या उत्कृष्ट बॉलिंग आणि अष्टपैलू खेळाने निवड समितीला प्रभावित केले. त्याच्या निवडीमुळे स्थानिक क्रिकेट समुदायात आनंदाचे वातावरण आहे. त्याच्या या निवडीमुळे पुन्हा एकदा आष्टीचे नाव क्रिकेट मध्ये उज्वल केले आहे. नुमान शेख याने आष्टी , बीड ,छत्रपती संभाजीनगर , मुंबई ,अहील्यानगर ,नाशिक व इतर अनेक ठिकाणी आपल्या अष्टपैलू खेळाचे बहारदार प्रदर्शन करून तसेच चौकार व षटकारांची आतिषबाजी करत क्रिकेटचे मैदाने गाजवले आहेत.

आष्टी येथे ए पी एल क्रिकेट स्पर्धेत नुमान ला आपल्या संघात घेण्यासाठी अनेकांची ओढाताण सुरू असते. महागडा खेळाडू म्हणून त्याची ख्याती आहे. नुमान शेख याला राजमाता जिजाऊ क्रिकेट अकॅडमीचे प्रशिक्षक शेख रहीम सर तसेच हंबर्डे महाविद्यालयाचे क्रीडा विभागाचे प्रा. वनगुजरे सर यांचे मार्गदर्शन लाभत आहे. नुमान शेख यांच्या निवडीबद्दल त्याचे सर्वत्र अभिनंदन होत आहे.

डॉ. शामसुंदर रत्नपारखी (वृत्तपर्व संपादक)

‘संधी मिळत नसते संधी निर्माण करावी लागते’ पत्रकार क्षेत्रात मागील वीस वर्षापासून प्रथम स्थानिक आणि नंतर विभागीय वृत्तपत्रात विविध पदांवर काम करत असतानाच विद्यावाचस्पती (Ph.D) पूर्ण केली. याचवेळी या क्षेत्राशी अजून जवळून घट्ट नाते निर्माण झाले आणि त्यानंतर स्वतंत्रपणे २०१५ पासून प्रथम भारत पर्व आणि २०२१ पासून वृत्तपर्व या वृत्तपत्राचा संपादक म्हणून काम करत आहे. २०२३ मध्ये यूट्यूब चॅनल आणि आता वाचकांसाठी वृत्तपर्व पोर्टलच्या माध्यमातून लेखन. माझ्या वेबपोर्टलवर बातम्या, नवनवीन विषयांवरील लेखन, राजकिय, सामाजीक, शैक्षणिक, विज्ञान, क्रीडा, कला, संस्कृती आणि विविध सदरांचा समावेश केला आहे.

Related Articles

Leave a Reply

Your email address will not be published. Required fields are marked *

Back to top button